زي ما الصيف ليه رسومات وتصاميم بالمانيكير مناسبة لجو الصيف, كمان في تصاميم مناسبة لموسم الشتا ومن اكتر رسومات المانيكير المناسبة جدا للموسم ده هي رسمة التلج, والنهاردة جايبين لكم مجموعة تصاميم مانيكير لرسمة التلج بطرق مختلفة تختاري منها اللي تحبيه اكتر وتنفذيه.
تصاميم مانيكير لرسمة التلج:
1- في التصميم ده استخدمت لونين الازرق, والابيض, وجليتر, ورسمت الضوافر بالازرق والجليتر ورسمة التلج على ضوفر واحد بس, وممكن تعملوا التصميم زي اللي في باين في الصورة او تغيروا فيه, يعني تخلوا رسمة التلج على ضوفر مختلف, او تخلوه على صوباعين بدل واحد يعني كل واحدة ممكن تغير فيه زي ما تحب.
2- في التصميم ده كل الضوافر باللون النيود, ماعدا اتنين بالجليتر الدهبي, ورسمه التلج على ضوفر واحد.
3- في التصميم هنا هنعمل الضوافر فرنش, ونرسم التلج على ضوفر واحد مع اللون الاحمر.
4- هنا هنحط المانيكير باللون الرمادي على الضوافر كلها, ونستخدم جليتر على ضوفر كامل, وعلى باقي الضوافر نحط الجليتر على الاطراف بس, ورسمة التلج هتبقى على كل الضوافر ماعدا الضافر اللي عليه الجليتر.
5- في التصميم ده استخدمت جليتر ابيض, ومعاه ستيكرات ضوافر جاهزة على شكل تلج, باللون الدهبي والازرق.
6- اللون الروز من الالوان الناعمة جدا, هنا استخدمت روز جليتر على كل الضوافر مع رسمة التلج, وممكن تعملي زي التصميم في الصورة تخلي ضوافر عليها المانيكير مش على الضوفر كامل.
7- التصميم ده هادي جدا استخدمت فيه اللون البيج مع الجليتر على اطراف الضوافر, ورسمة التلج على ضوفر واحد.
8- للبنات اللي بيحبوا اللوك الجريء والمختلف, اكيد هيجربوا التصميم ده, استخدمت فيه اللون الاسود مع رسمة التلج بالابيض, عمل Contrast حلو للالوان.
9- لو عندك سهرة او مناسبة التصميم ده هيكون مناسب اوي, مانيكير بلون احمر جريء مع الجليتر, ورسمة التلج ممكن تستخدمي معاها استراس.
10- هنا استخدمت اللون اللبني مع الجليتر السيلفر, ورسمة التلج على كل الضوافر.
11- في التصميم ده استخدمت اللون الاخضر, الابيض, مع ستيكرات على شكل تلج باللون الاخضر والسيلفر, وزي ما هو باين في الصورة استخدمت الاخضر على ضوفر واحد, والابيض على ضوفر, وباقي الضوافر اكتفت بمقوي الاظافر بس مع الرسمة.
12- في التصميم ده استخدمت اللون الابيض مع الدهبي, حطي الابيض على ضوفر واحد بس, وباقي الضوافر مقوي اظافر مع جليتر دهبي مع رسمة التلج.
13- لو بتحبي اللوك الناعم, التصميم ده هيناسبك, هتستخدمي فيه اللون البينك على كل الضوافر, مع ضوفر واحد بالجليتر السيلفر, ورسمة تلج على ضوفر واحد, مع استراس على الضوافر الباقية.
المصدر:وكالات
