بالفيديو .. السيسي للتليفزيون الاثيوبي : لن نضر بمصالح أحد .. ويجب زرع الثقة في الشعوب الأفريقية

قال الرئيس عبد الفتاح السيسى إن الشعب المصرى والإثيوبى يستحقان علاقات أكبر وأفضل من ذلك، مشيدًا بأداء رئيس وزراء إثيوبيا، هيلا ماريام ديسالين ، بقوله : ” رجل دولة مسؤول حريص على مصالح بلاده، وقادر على التعامل مع كل المشاكل، بعقل وقلب مفتوح، وأنا أهنيكم عليه ” .

وجاء تصريح السيسي – خلال لقائه مع التليفزيون الإثيوبي الذى أذاعه التليفزيون المصرى مساء أمس الإثنين – حيث قال في بداية الحوار : ” أنا محمل برسالة رائعة من المصريين لأشقائنا فى إثيوبيا، الرسالة دى بمنتهى البساطة من كل مواطن مصرى بسيط بيتمنى لأشقائنا فى إثيوبيا ولدولة إثيوبيا التقدم والازدهار، لأن إحنا فى مصر برضو بنعانى من ظروف قاسية، وإحنا عندنا ما يقرب من 55 مليون إنسان يعمل فى الزراعة وفى نفس الوقت فلاح، فنشعر بما تشعرون به “.

وتحدث السيسي عن زيارته الأخيرة لإثيوبيا، بقوله : ” أرجع للسؤال هل ده إن احنا الزيارة هنا الهدف منها أفضل مما كنا عليه، لا بصراحة إحنا عندنا آمال أكتر من كده، وبنقول إن شعب مصر وإثيوبيا من حقهم حياة أفضل من كده، والعلاقة المفروض تكون أفضل من كدة بكتير، عايزين نتكلم إن شاء الله عن حقبة جديدة بأسلوب جديد وبشكل جديد، بين الأشقاء فى مصر وإثيوبيا “.

وقال: ” إحنا محتاجين إن احنا نزيل كل الشكوك وكل القلق اللى موجود فيما يخص مسألة المياه بين المصريين لأن الأمر ده يعنى هو ده جوهر الموضوع، لأننا إحنا بنتكلم مش على تنمية إحنا بنتكلم عن أحوال حياة “.

https://youtu.be/Jfo_M7U5wgQ