قام شاب مصرى مقيم ويعمل فى روسيا، ويدعى محمود عريضة، بتحويل مجموعة من الخردة إلى (إنسان آلى) كدعاية لمصنع السيارات الذى يعمل به بعد أن طلب منه رئيسه فى العمل بتحويل هذه الخردة لشىء مفيد كنوع من الدعاية لهم.
وقال الشاب المصرى : أنا شغال فى مصنع بيصنع قطع غيار سيارات، مدير المصنع طلب منى إنى أجمعله المنتجات اللى المصنع بيعملها فقط فى شكل دعاية، ويكون شكلها منسق وجميل، اجتهدت والحمد لله نفذت المشروع وعجبهم جدًا، وأخدت وقت منى لأنى مكنتش متفرغله نفذته بجانب إنى كنت شغال برده.
وأكمل الشاب المصرى: لما طلب منى أنه يعرف حسابه كام فقررت إنى أهديه العمل (هدية من الشعب المصرى) كانت مفاجأة له طبعًا، وقرر أنه يدخل بيه مسابقات المعارض اللى بيشاركوا فيها بروسيا.
وأشار الشاب المصرى محمود عريضة: ده كان تقدير منى للمساعدات اللى المصنع قدمهالى وازداد حب وتقدير الزملاء ليا بشكل كبير جدًا، مشيراً إلى أن فكرته عبارة عن عمل فنى يقدم هدية للشعب الروسى وكعزاء للشعب الروسى، ويتحط فى مكان عام يكون حاجة معبرة عن حادث الطائرة المنكوبة وده هيكون بتمويل من رجال الأعمال المصريين المتواجدين فى الأراضى الروسية.
وكالات
