البشرة الدهنية من اكثر انواع البشرة التي تتعرض لحب الشباب ومشاكل الجلد بشكل عام لذلك نحتاج لعناية بشكل يومي اكثر من اي بشرة أخرى, واليكي طرق للتخلص من مشاكل البشرة الدهنية بمكونات طبيعية :
طرق للتخلص من مشاكل البشرة الدهنية:
1- الفاكهة والعصاير:
الفاكهة تحتوي على احماض طبيعية تساعد على تنضيف البشرة الدهنية, ممكن تعملي خليط عصير فواكة لنضارة وتفتيح البشرة عبارة عن كميات متساوية من عصير التفاح والليمون, ادهني بيه البشرة واتركيه لمدة من 10 – 15 دقيقة ثم اغسليه بالمية, ممكن ايضا تستخدمي خليط من عصير الليمون والخيار بكميات متساوية, وادهني البشرة واتركيه لمدة 15 دقيقة, ثم اغسلي بشرتك بمية باردة عشان تقفلي المسام.
وبطريقة اخرى احضرى عصير برتقان وضعيه في قوالب التلج واتركيه ليتجمد, ومرريه على البشرة, ليساعد على تنضيف البشرة وازالة الزيوت الزيادة, وممكن تستخدمي اي نوع من انواع الفواكة الحمضية على البشرة مفيدة جدا للتفتيح والتقشير.
2- الاوراق والزهور العطرية:
الاوراق والزهور العطرية مفيدة جدا للبشرة الدهنية, اوراق النيم ممكن ان تقومي بغليها وتصفيتها, وتحفظيها في ازازة وتستخدميها كتونر للبشرة.
عشان تقللي من الزيوت الزيادة على البشرة, ممكن تخلطي مستخلص النعناع او زيت النعناع مع مية ورد وتضيفي عليهم دقيق ارز “ارز مطحون”, لحد ما يبقى الخليط عجينة سهلة الفرد على البشرة, ضعي الماسك على بشرتك ودلكيه في حركات دائرية بالراحة وبعدين سيبيه 10 دقايق واغسليه بالمية.
ولما تخرجي ممكن تعملي تونيك طبيعي تخليه في شنطتك عبارة عن مية ورد وعليهم كام نقطة من زيت اللافندر, ضعي منه على ويبس وامسحي بيه بشرتك عشان تتخلصي من الاتربة والزيوت اللي على البشرة.
3- ماسك اسبوعي للبشرة:
ماسك للبشرة لاستخدامه مرة في الاسبوع عبارة عن طين مع شوية صغيرين كركم وضيفي عليهم مية جوز هند لتتكون عجينة, افرديها على البشرة وسيبيها لمدة من 10 – 15 دقيقة, وبعدها اغسليه بالمية.
اخلطي خشب الصندل بودر مع بابايا مهروسة, وضعيه على البشرة وسيبيه 15 دقيقة وبعدين اغسليه بالمية, كررية مرة في الاسبوع بيساعد على تقليل الزيوت الزيادة في البشرة.
4- نصايح ومكونات طبيعية للبشرة الدهنية:
– هناك كثير من المكونات الطبيعية المفيدة جدا في علاج مشاكل البشرة الدهنية تساعد على تنضيفها وازالة الزيوت الزيادة منها وواحدة من هذة المكونات بياض البيض, ادهنيه على بشرتك وسيبيه لحد ما ينشف خالص وبعدين افركي الماسك من على البشرة بدقيق الحمص في حركات دائرية وبعدها اغسليه بالمية.
– الطماطم كمان تعتبر قابض طبيعي للبشرة, اغمسي قطنة في عصير الطماطم وادهني بشرتك وسيبيها لما تنشف واغسليها بالمية.
– بجانب المكونات الطبيعية, مهم انك تعتمدي على عادات وروتين يومي لبشرتك لان تلك العادات البسيطة تفرق جدا في صحة البشرة,فلا تنسي تنضيف البشرة كل يوم بالليل قبل النوم عشان تزيلي المكياج والاتربة والزيوت الزيادة, ده بيساعد جدا على الحفاظ على صحة البشرة الدهنية.
– في نظامك الغذائي اتجنبي الاكل المقلي والسبايسي والذي يحتوي على بهارات كثيرة لتتحكمي في زيوت البشرة وتقلليها وتحققي التوازن بين الغدد الدهنية, كلي الاكلات الغنية بالالياف, وضيفي السلطات لنظامك الغذائي, زودي كمية الحمضيات زي الليمون والبرتقان, والاكلات الصحية الغنية بفيتامين C بشكل يومي.
– لا تستخدمي الصابون اللي بيحتوي على الجليسرين, استخدمي سكراب للبشرة مرة في الاسبوع لانه مهم جدا لتطهير وتنضيف البشرة الدهنية بيساعد على ازالة خلايا الجلد الميت واثار المكياج والاتربة, وبينضف المسام وهيخلصك كمان من الرؤوس السودا.
– ابعدي عن التوتر والضغط لانه بيزود افراز زيوت البشرة, ممكن تجربي ان تمارسي التأمل واليوجا هيساعدك تبقي ريلاكس وتتخلصي من التوتر.
